الادوات المطلوبه هى دهان بلاستيك الوان العلم احمر وابيض واسود وفرشه حسب الرغبه وشكل النسر اما استيكر او رسم النسر على ورق مقوى وتفريغ الشكل بالكتر .
نبتدى بتحديد الشكل والحجم المراد للعلم وده بشريط لاصق بيتباع عند الموان ورخيص ونحدد ابعاد العلم ونملى الفراغ باللون ونبتدى من فوق لتحت بالاحمر وبعد ماينشف بنشيل اللصق ونلصقو على اللون الاحمر عشان نلصق الالوان ببعض مانسيبش فراغ بينهم وبعد الابيض ماينشف نعمل نفس الكلام نشيل اللصق القديم ونلصق على اللون الابيض وندهن الاسود.
بعد مانخلص العلم نيجى للنسر وده هايكون اما استيكر لو متوفر ولو مش متوفرنرسمه او هانجيب ورق مقوى ونرسم النسر ونفرغ الشكل وبعدين نحطه فى مكانه وباللون الاصفر نملى الفراغات ونخلى بالنا مانملاش الفرشه اوى عشان نراعى مايتلخبطش مننا الشكل .
وبكده نكون نفذنا على مصر على الحيطه فى اوضه الولاد او مدخل بيتنا عشان نفضل عايشين فاكرين الثوره والروح اللى ربنا وجدها فينا بوجود الثوره ربنا يحمى مصر وشكرا لشباب 25 يناير.
ليست هناك تعليقات:
إرسال تعليق